好姊妹岑麗香（香香）與苟芸慧（苟姑娘）同被封為宅男女神，亦是不少品牌的寵兒，但隨着後者苟姑娘身形暴脹，其吸引力亦下降！昔日曾合作的品牌更改邀香香，苟姑娘的地位已被好姊妹取代！

香香Sweet到漏又夠Fit，取代同屬女神級的苟姑娘有乜咁奇？

古仔先後為同一品牌行騷，不過拍檔已由苟姑娘變為香香。

古天樂（古仔）和岑麗香昨日在廣州出席鞋履品牌活動，並擔任壓軸模特兒行騷，香香翹着穿上兩吋窩釘高踭鞋的古仔出場，非常登對，而現場大批古仔粉絲見到偶像出場即不停尖叫。

問到香香首次與古仔合作的感覺如何？她說：「好開心呀！之前有睇佢電影。（有冇電親？）冇呀！唔慣見商場咁多人，佢好多Fans。（佢係咪你鍾意嘅類型？）男仔外表唔係最重要，最重要睇點相處，同一個人一齊要好舒服。我依家都係等神嘅安排，最緊要自然。（頭先有冇同佢相處？）啱啱落車就做嘢，我哋喺台上面相處。」提到該鞋履品牌上次是邀請苟姑娘做嘉賓，這次卻找她取代對方，香香強調只是聽從公司安排，問到知否苟姑娘的減肥進度？她說：「希望大家唔好畀佢咁多壓力。我哋都喺加拿大返嚟，佢嘅身形喺嗰邊好完美，最緊要健康同開心！我啱啱嚟香港嗰陣，見啲女仔好瘦好唔慣，有時多少少肉喺面係福氣！」

懶理轉Partner

古仔曾先後跟苟姑娘及香香合作，問到有何不同感覺？他卻說不太知道：「喺廣州做嘢搭好耐車實會瞓，見到香香嗰陣都未回魂，同佢冇乜傾過偈。」他笑言平日很少第一眼就望女仔，通常望地下。喜歡買鞋的他自爆曾在歐洲購入一對四吋高踭鞋，更曾穿着出席活動，他亦接受穿着不太短的裙子。