馬國明昨日與應屆港姐冠軍陳凱琳出席第二屆《東方表行沙田錦標》，他合照時見性感名模Jocelyn裙襬「Kick」住，即盡顯風度為對方整理。提到筍盤陳豪「封盤」，令他晉升頭號筍盤，他笑說：「TVB專出筍盤！」近日有報道指他在內地拍攝成龍監製的電影時獲多位女演員青睞，他說：「好好笑！話我跟成龍大哥搵食，我未有資格，我係跟TVB搵食。」並否認多女埋身：「幻想係美麗，現實係殘酷！（有冇女仔撳你鐘仔？）梗冇，內地女仔要求高，佢哋心目中我未夠資格。」

自爆從未獲女生主動追求的馬國明，面對低胸上陣的Jocelyn目不斜視。

應屆港姐陳凱琳（左起）、蔡思貝及劉佩玥均悉心打扮，畀面撐場。

陳凱琳則表示有留意免費電視牌照風波：「畀多啲機會唔同台係好事，有競爭先有進步！（TVB有新工時制度？）梗係好啦！休息足夠有精神會做得更好。（推行得太遲？）有改善就唔會諗番以前，係睇將來！」另外，問到追求者有否送手錶給她？她稱沒有：「未拍過拖！」