警鐘胸模Jessica C.（JC）近日拍攝台灣喪屍電影，前晚則出席以喪屍為主題的萬聖節活動，以性感喪屍Look上陣的她自嘲似喪屍：「我都係啱啱喺台灣搭早機返嚟，但瞓得唔好，真係好似喪屍，仲有對喪屍腳，有日拍攝逃走場口時受咗傷，喺戲入面又要成日扮喊同扮驚，都覺得愈嚟愈似喪屍！」她透露片中有王敏德及伍允龍，還與安志杰上演一幕英雄救美的戲份。

JC（右）與陳嘉桓即場扮喪屍搞氣氛，睇嚟仍須努力！

為迎接萬聖節，JC（右）、陳嘉桓與「化鬼妝」的工作人員投入表演。

同場扮女版Peter Pan（小飛俠）的陳嘉桓則表示早前跟師傅練黐手時，師傅雖叫她不要盡力但仍不慎弄傷對方的手，令她大感內疚！