藝人岑潔儀(Zoey)常跟老公Dixon遊埠歎世界,早前她偕老公及友人到昆明租了一間超豪華度假屋,Zoey說:「間度假屋係我老公朋友開,特登介紹我哋去。」她指這次遊昆明主要活動是品茗:「嗰度有好多普洱飲,有啲仲超過二百年,感覺好特別!」而此行最讓她印象深刻的是學了幾手太極:「間度假屋有好多節目揀,例如做瑜伽、太極同摘茶葉,可以自己Book導師,仲要唔使錢!我學咗幾式陳式太極!(有冇同老公一齊學?)冇囉,淨係狂浸溫泉,日日由朝浸到晚!」

雲南出名景色優美,Zoey到了當地一間「湖天一色」的餐廳,置身湖中享受美食,感覺震撼。

Zoey晒腿拖篋,預備遊昆明歎百年靚茶。

問到有沒有一嘗地道的雲南米線?Zoey說:「當地食法同香港唔同,嗰邊好似韓國石頭鍋飯咁,有一個好熱嘅鍋畀你,然後每樣餸自己落,好好味!」