張家輝恨睇「金魚缸」

導演陳木勝前晚率領劉青雲、張家輝及古天樂等到九展出席《第十屆香港亞洲電影節》開幕禮，並宣布寰宇電影《掃毒》成為開幕電影，青雲於台上說：「好開心同梅麗史翠『輝』合作，佢拍一套就攞十幾個獎，仲有天下第一型男（古天樂）！」而「泰國通」盧惠光則笑稱於泰國拍外景時，曾帶幾名男主角睇「金魚缸」！家輝說：「冇，想啫！聽聞依家新興啲大廈好靚，估唔到係『金魚缸』，想見識吓啫！」此外，提到他們重唱鄭少秋金曲《誓要入刀山》，青雲笑言難頂家輝的「秋官腔」，家輝即搶咪示範，認真搞笑！