楊張新悅前晚與丈夫楊哲安出席智樂慈善晚宴，提到袁詠儀早前受訪時提及十多年前曾被新人推撞，有人懷疑她是當事人？她表示已是15、16年前發生的事，現已遺忘：「我真係冇能力去記得每個細節，放低件事好耐。」問到是否已忘記當年曾撞倒靚靚？她說：「人大咗成熟咗，我個腦嘅CPU唔夠Ram。我離開咗娛樂圈咁耐，適合嘅就仲喺娛樂圈啦！」問到日後碰面會否感到尷尬？她說：「偶然喺街撞到佢，大家都平常心。（有打招呼？）未有呢個場合。（會同佢道歉？）都唔記得，道咩歉？」

與老公到場的楊張新悅，自言已忘記舊事。

阿徐笑言要再參加馬拉松，往後才會考慮再添丁。

同場的徐濠縈透露於三藩市跑半馬，在20位明星代表中排名第一，更打破自己紀錄。提到老公陳奕迅早前透露當年未能接受有BB，自覺虧欠了她？她說：「咁佢仲叫我再生？之前個女細，佢唔知點。依家個女識同佢溝通，仲好崇拜Daddy。（覺得佢虧欠咗你？）冇咁計。（再生？）等我跑多兩個馬拉松先！我好勝！」