外表斯斯文文的名模周倩圯（Samantha），想不到叫她扮鬼臉會令她周身不自在，只懂不停傻笑，還指想不到做甚麼表情，最終都嘗試做出多個表情與動作，非常搞笑！Samantha笑說：「由細到大都唔會古靈精怪，好乖……自問冇豐富想像力之餘，面部神經亦不受控制，哈哈！」

你估Samantha扮緊乜？之唔係蜘蛛俠囉！

扮豬嘟嘴

扭計扁嘴

港女晒V

威武「007」

喜怒哀樂這些簡單的表情，對普羅大眾來說可算是輕而易舉，但對Samantha而言卻是個大考驗，她笑言難過考試，還憶述當年面試黎明MV女主角的趣事：「之前講明要做喜怒哀樂嘅表情，我一聽到就頭痛，惟有前一晚喺屋企對住塊鏡不停練，愈練愈辛苦，覺得自己處於面部表情失控嘅狀態，完全唔知做緊乜，好似面抽筋咁。」她表示當時已打定輸數，但最終卻勝出，令她摸不着頭腦：「自問唔係戲精，完全做唔到嗰四個表情，唔明點解最後都當選！」