曾與陳慧琳（Kelly）、容祖兒及王菀之等歌手合作的唱片監製馮翰銘（Alex Fung），今年決定多添一個身份，做唱作歌手推出處男唱片，並碌爆人情卡，邀得陳奕迅及Kelly等與他合唱，唱片封套由攝影大師夏永康操刀，插畫家小克更主動幫他執筆撰寫全碟歌詞，令他大呼感動。Alex表示人大了才學懂欣賞詩詞的美：「我好嬲自己細個點解用死背嘅方式去記，其實詩詞歌賦一啲都唔悶，所以今次全隻碟都係用詩去做歌詞。」雖然有人在網上批評他的歌，但他一於少理：「做藝人就要接受批評，香港人近排躁呀！如果畀人鬧吓可以抒發到佢哋嘅憤怒，甚至用粗口鬧我係舒服啲嘅，你咪鬧囉！我信做緊嘅嘢，可能係時空嘅關係佢哋未接受到，但我好相信我嘅音樂同詩可以混埋一齊。」

馮翰銘能與陳慧琳合唱，感到十分開心。