葉熙祺承認有精神壓力

有報道指郭富城前緋聞女友葉熙祺因城城對她若即若離，以致精神崩潰，她昨日出席FANCL活動時否認傳聞：「上一段時間係有啲唔開心。（有人話啲新聞係你自製？）從來冇，冇做過。（你同城城係自然發展？）從來冇，我冇講過其他嘢，我哋係朋友，我單身好耐，成年啦！（報道仲話城城對你呼之則來，揮之則去？）冇呢回事。（即係你哋關係已經完咗？）冇開始過。（精神方面仲有冇問題？）呢年係有壓力。」她又表示祝今日生日的城城生日快樂。昨日有讀者報料指葉熙祺在廣州做法事求愛情，並附上一張她臉上和雙手都貼滿金箔的照片，事後記者向其經理人求證，他表示熙祺當日是祈求事事順利。此外，城城昨日在微博上載了他的賽車相，並表示正身在上海，為賽車積極備戰。