名模樂基兒（Gaile）前晚與國際名模杜鵑及劉雯跟日本女星岡本多緒出席時裝活動，Gaile透露下周便會返美國探望家人，笑言每年冬天都會回去「冬眠」。問到其首度設計的珠寶品牌進度如何？她表示趕不及在聖誕節的黃金檔期推出：「本來都想喺聖誕出，但趕唔切都冇辦法，依家諗住下年一月拍廣告照，預計明年春夏推出。」她又指自己是設計師，故不會擔任模特兒拍照，問到揀選模特兒的準則？她說：「要Cute得嚟又有啲時尚感覺，唔需要化好多妝，想要自然美。（會唔會搵番香港嘅Model朋友幫手？）其實我腦海裏面有一個女仔好鍾意，不過未成事就唔好講住。」

Gaile（右）與岡本多緒各具美態，但同樣吸睛。

國際名模杜鵑出席活動，令現場大為生色。