鄧智偉離開無綫，多位藝員對此各有睇法，黃宗澤、吳卓羲及許廷鏗接受電話訪問時都沒有回應是否派系鬥爭，而王祖藍、李亞男及林夏薇則在微博留言送祝福，薛家燕昨日返無綫時則表示娛樂圈係圓嘅。

薛家燕

吳卓羲

許廷鏗

黃宗澤

李亞男

王祖藍

陳敏之

薛家燕

「唔知佢離開！（何哲圖入主有關？）都可能係，大家個崗位、方針都各有諗法，（好可惜？）娛樂圈係圓嘅，可能將來會返嚟呢，世界會變嘅，希望大家都開心啦！因為我都好欣賞智偉。」

吳卓羲

「都係樂小姐話先知佢走，我哋係好朋友，佢有好發展的話，邊度都係娛樂圈，實有機會合作！好朋友一定撐佢！（派系鬥爭？）內裏嘅嘢我唔知，佢搵過我食飯，但最近又忙拍劇，見面會了解吓！」

許廷鏗

「我之前都有聽過傳聞話會有轉變，不過都冇實際資料，而且我都係啱啱知呢件事，都要了解吓先。（派系鬥爭？）我又唔會咁估計呢件事，作為一個歌手都係負責番唱歌。」

黃宗澤

「幾可惜！我識咗佢十年，不過創作、填詞係冇界限嘅，我哋會保持良好嘅合作關係！（派系鬥爭？）唔知喎，我係小演員咋……只係拍戲又唔係高層，鬥爭嘅嘢我唔理！（Farewell？）冇咩值得慶祝，但都會一齊食飯嘅。」

李亞男

「加油兄弟！有緣再合作」

王祖藍

「兄弟，心痛又少了一位有熱誠的戰友，離開這個烽煙四起的戰場，心照不宣！感謝你這些年來，由兒歌到電視劇、電影主題曲都認真為我們打拚。火，不要熄滅，願你燃燒得更旺更盛！」

陳敏之

「無論你在哪裏，哪個地方，也會撐你Bro！」