歌手林德信（Alex）昨日以上班Look出席Club Monaco活動，並由銅鑼灣踩單車到中環為品牌宣傳。談及早前拍攝電影《喜愛夜蒲3》中肉搏何佩瑜及雨僑，有指女友松岡李那打爛醋埕，Alex坦言女友沒有嬲他，對於《好報》拍得他為氹女友而與對方拍拖睇戲直落返家度春宵，他說：「唔記得喇！我成日都睇戲。」最後大方承認有與對方睇戲，但沒有度春宵，他說：「當晚我有騷做，同埋我屋企好細。」記者笑指最緊要床夠大，他即尷尬地說：「冇。」他又透露當年在外國讀大學時，經常踩單車接初戀女友放學：「覺得好浪漫。（有冇踩踩吓喺公園停低？）冇呀！」

Alex踩單車出席活動，並自爆讀大學時經常踩單車接初戀女友放學。

Alex對於被《好報》拍得與松岡睇戲，直認不諱。