最近由DJ圈殺入電視圈做藝人的黎國輝（阿感），在新劇《貓屎媽媽》中與張穎康飾演搞笑大反派，自稱是沖咖啡的絕世高手，要飛天打觔斗之餘，更動用龍虎武師及威吔組！他笑言出場時連男主角黃宗澤（Bosco）都要企埋一邊，故自覺是無綫力捧新人！

阿感與岑麗香拍劇時不忘晒V合照！

阿感留鬚又畫粗眼線，化身「妖男」咖啡師！

在劇中留鬚畫粗眼線的阿感說：「劇裏面我係沖咖啡嘅絕世高手，Bosco係挑戰者，我成日唔放佢喺眼內，有幾場戲都係我同張穎康拍對手戲，Bosco就企埋一邊襯我哋！」除了有男主角做陪襯，他更有不少「動作場面」！他說：「我第一次吊威吔，又出動埋龍虎武師，單單幾個打架場面我哋就用咗好多劇組資源！好大陣仗呀！所以我同阿康都覺得自己係無綫力捧新人！」他又笑言一場戲要拍3日，動用劇組最多資源。轉型做「動作演員」難免會有損傷，阿感表示早前就因拍飛車場面而受傷：「吊威吔嘅時候鎅傷咗手臂，化妝間啲同事都好奇問我到底拍咩會拍到受晒傷！」