內地模葉熙祺日前出席護膚品牌活動，ontv向她表示城城與她同日出席活動，問到會否探班，她說：「等我得閒先。（有冇聯絡？）唔答。」談及她最近在微博上載與王力宏的合照及一段內容曖昧的錄音，她說：「只係朋友間講笑。（畀佢粉絲鬧先刪除？）唔係，係我用另外一個軟件錄音，但原來會同微博同步，我發現咗之後就刪微博。」

葉熙祺指與王力宏沒有聯絡，只是朋友的朋友。

葉熙祺表示不再上載與男藝人合照到微博，以免誤會。

事後葉熙祺向ontv表示承認有王力宏的電話號碼，但沒有聯絡，問到兩人關係如何？她說：「朋友嘅朋友。（同城城完咗，轉攻力宏？）冇呢回事。我唔會再上載同男藝人合照，費事有不必要嘅誤會。」