前港姐陳華鑫（Gloria）最近獲派主持無綫節目《廠出新天地》，介紹位於工廠大廈的新潮店舖，燃起她開舖頭做老闆的心願：「原來依家啲工廠裝修到好靚，空間又大，最重要係舖租相對平啲，我都心思思想開番間美甲店，其實我學咗美甲三年，已經考咗好多同美甲相關課程嘅文憑資格，如果有機會我都想將興趣變成職業，試吓做美甲店老闆！」

Gloria （左）與林欣彤等一同在工廈捐窿捐罅，為觀眾發掘新天地。

跟周奕瑋到訪過不少特色工廈商店，令Gloria萌生創業念頭。

Gloria感激TVB讓她磨練主持技巧：「我鍾意繪畫同藝術，如果有相關嘅店舖要介紹嘅話，公司都會安排我去主持。其實工廠區有好多舖頭都好特別，例如室內滑雪場、皮雕藝術店、農場、Spa，做嘢之餘仲可以玩埋一份，因為個節目想我哋幾個主持都有份參與，去體驗咗再介紹畀觀眾，我主持咗呢個節目後，主持技巧高咗、講對白有進步！」