自從張家輝在《激戰》的造型曝光後，激起全城男藝人操肌，連搞笑舞台劇演員泰臣亦不例外，而舞台劇新丁吳卓昕近年亦迷上泰拳，實行齊齊操弗！

多得Apple鼓勵，泰臣的起心肝練泰拳．二人一於打拳演舞台劇齊齊拍住上！

別看Apple（右）身形瘦削，她踢腿出拳都非常有力。

泰臣為豐富演劇動作滿足小朋友觀眾而操體能，非常有Heart。

泰臣形象一向搞笑，但打泰拳卻拳拳有力，促使他學泰拳的，除了《激戰》中的張家輝外，竟然是小師妹吳卓昕（Apple）！泰臣說：「我一向都唔係運動底，但啱啱入行頭幾年主要做兒童舞台劇，需要好大體力，因為做嘅動作唔夠誇張同吸引，小朋友就唔想睇。」

個子瘦削的Apple自小對功夫有濃厚興趣，更於去年拜金葉拳館葉文龍為師，她說：「當初打泰拳都係想減肥，真係好Work。」她表示練完泰拳後，師傅要求她做體能訓練，例如跳繩、掌上壓及跑步。至於會否參加泰拳比賽？Apple表示師傅着她認真操兩年，再到泰國找對手對打！泰臣與Apple今年才開始合作，但原來二人早於3年前認識。

最怕演公主

泰臣表示欣賞過Apple的演出後，就邀請她加入舞台劇《潮性辦公室》第四次公演：「舞台劇演員一定要夠活潑，最鍾意佢唔顧形象！」Apple笑說：「不過我最怕做靚靚公主角色，反而想試吓做殺人狂！」與蝦頭合作多年的泰臣，自轉投新公司後改拍Apple，他大讚Apple可塑性高，深得他寵愛！二人於本月中的泰拳賽擔任司儀，泰臣直言有壓力：「上年嘅拳賽我哋都有睇，賽事好緊湊，我哋唔可以過分搞笑，怕影響觀眾情緒！」