李克勤一向擅長唱情歌，談到新歌《紙牌屋》，他說：「依家啲現代人郁啲就分手，唔似得以前會山盟海誓，每段感情就好似雙方咁砌緊紙牌屋，砌係好辛苦，推冧就好易，希望啲人聽完首歌唔會咁易講分手。」有指在情路上很順利，克勤笑說：「唔順利嘅你唔知啫！同埋我好快就唔記得，只記得順利嗰啲。」他形容新歌是「安全」的大路情歌：「之前隻發燒碟《復克》賣得好好，就做啲自己唱想嘅歌滿足吓，唔想成日太老正。」原來克勤亦想求變：「愈荒誕離奇嘅歌就愈鍾意，至少歌詞上可以大膽啲，可惜公司唔畀。」

克勤希望藉新歌宣揚珍惜愛情、別輕言分手的觀念。