今年55歲的蔣慶華，笑言是「最年長新人」，是小虎隊成員蔣慶龍的哥哥，也是前英皇小花蔣雅文的父親。雖然香港樂壇近年為人詬病，但他仍抱有希望，更毅然投身樂壇，他說：「其實唔係大問題，香港只係失去發展重心，呢啲困難只係暫時性，慢慢適應就會好，樂壇仍有希望！」提到囡囡及弟弟都曾是圈中人，問到有否向他們取經？他笑說：「我都有同細佬一齊交流音樂，佢好多經驗可以同我分享。（囡囡呢？）佢係我前輩嚟！佢知我一直都好鍾意唱歌，所以都好支持我。」

55歲的蔣慶華對樂壇仍抱有希望，毅然投身樂壇，認真是「活到老做到老」。

蔣慶華非常痛錫囡囡蔣雅文，還視她為「樂壇前輩」，非常搞笑！

問到勇闖樂壇的原因，他說：「我1979年嚟香港，之前返家鄉上海時，發覺好多嘢都變晒，感觸之餘亦令我好煩惱。葉惠民教授曾偷偷哋寫咗隻歌送畀我，幫我抒發愁緒，呢件事令我好感動，之後我哋就決定一齊合作！」他又表示希望藉着投身樂壇來告訴港人：「只要有熱情同恒心，年紀並唔係問題！」