擁有六年潛水經驗的中日混血主持周子駒（Cyrus），早前到意大利魚類保護區玩潛水，還差點冇命，原因是水底「美麗有罪」！他表示過程驚心動魄：「個魚類保護區曾經發生過沉船意外，所以水底有好多好靚嘅景物，好多旅客都會潛到水底欣賞名勝古蹟，我都慕名而去。嗰日教練本來預我5分鐘潛落10米，但水底實在太靚，所以落到去淨係掛住望風景，唔記得睇錶對時間，唔覺唔覺就過咗五分鐘，氧氣都冇晒，就算我畀咗指示，身邊嘅Partner都唔知我唔夠氧氣，所以情急之下，就9秒9踢水上去，上到去個肚已經凹晒，嗰刻好驚爆肺！同埋又勁想嘔，真係差啲冇命！」經此一役，Cyrus表示日後潛水會更加小心，否則「冇命就唔抵」！

Cyrus慶幸執番條命，並謂以後會更加小心。

Cyrus潛落十米深的水底，與石像擺出同一個甫士，既興奮又緊張。