惠英紅為《殭屍》犧牲靚樣，經常搞到污糟邋遢。

錢小豪（右）大讚導演麥浚龍專業，不介意被對方「大起底」。

錢小豪與惠英紅相隔多年再合作，依然合作無間。

影后惠英紅相隔多年再與錢小豪合作，拍攝麥浚龍首部執導作品《殭屍》，錢小豪坦言拍攝過程很辛苦：「但可以同小紅、鮑起靜、吳耀漢佢哋合作，都係值得嘅！」最辛苦是全身被特製膠水黐着，他說：「全日都唔可以坐低，只可以企喺度，身體每部分都黐住晒，連下體都難逃一劫！

而小紅姐亦不好受：「有日喺荒廢嘅街市取景，好臭，我仲要打到瞓地，跟住全身被潑上血漿。拍完我以為要繼續等，結果等咗兩個鐘，先話我知要換番時裝。我最終喺一個無門嘅洗手間，由兩個工作人員把風，用條膠水喉沖凍水涼，咁大個女第一次覺得好委屈！」此外，錢小豪大讚麥浚龍專業，拍攝前「大起底」了解他的為人，再在劇本上落墨：「佢做足資料搜集，仲問我拎童年照，要知晒我嘅過去。」