梁嘉琪與李佳芯兩個膽小鬼，趁萬聖節來臨前相約玩鬼屋，怎料一入場已被背景音樂及布置嚇親，其後更被恐怖惡鬼嚇到尖叫！佳芯為求自保，不惜推嘉琪向前探路，嘉琪只好使出「鬼手」保護自己！

被李佳芯推去「開路」的嘉琪（右），被恐怖博士嚇到面容扭曲。

離開鬼屋後，嘉琪（左）與李佳芯即時「回魂」，開心擺甫士。

喪屍男撲埋身，嘉琪（右）與李佳芯即時扭腰避開。

無綫節目《學是學非》主持梁嘉琪與李佳芯，私下亦分屬好友，日前二人趁萬聖節來臨前，相約到主題公園玩鬼屋，還未進入大宅，二人已被其陰森外貌嚇到面色一沉，並不停互問：「你驚唔驚呀？」入屋後，二人聽到背景音樂已窒步，並翹實對方碎步前行。一名鬼怪博士突然衝出，二人即高聲尖叫，其後又被突然撲出的喪屍男嚇到依嘩鬼叫，佳芯更把心一橫「出賣」老友，將嘉琪推向前方探路，嘉琪以為被「鬼手」摸，於是再度尖叫！

日本驚險狂奔

原定只需10分鐘的旅程，二人最終花上近半小時才完成，嘉琪坦言比想像中恐怖：「以為呢度咁多小朋友嚟，驚極有限度，但間鬼屋9曲13彎，好多估唔到嘅嘢！細個覺得萬聖節唔關自己事，當時好多同學出去玩，但我唔飲酒所以冇去。」她認為喪屍空中飛人最可怕：「入到去有個假人，心諗前面唔會有嘢，點知有個人揈出嚟，直頭反應唔到！」她曾玩過日本主題樂園的鬼屋，排隊時已見不少男女被嚇得跑出來，而她最終亦步眾人後塵，9秒9奔跑出外逃生！

而佳芯被問到為何出賣嘉琪，她笑說：「佢驚先有氣氛，下次去鬼屋都一定搵佢，頭先見到有隻鬼縫住個嘴，好恐怖！我不嬲怕黑，平日有人講鬼古都會走開，因為聽咗會有幻想。」