將於12月舉行處男演唱會的許廷鏗（Alfred）昨日出席記者會，獲唱片公司老闆何哲圖（Herman）及經理人公司無綫高層樂易玲到場打氣。為慶祝Herman生日，Alfred特別為對方送上蛋糕，但記者要求獻吻時，他衝口而出說：「錫唔落！」自知講錯說話的他補鑊說：「場面尷尬嘛！（鍾意喺公園暗角咀？）錫喺心中。」有傳鄭俊弘將踢走他成為「星夢娛樂」一哥，他表示最重要是做好自己，不怕與對方比較。

Alfred（右）拒絕向老闆Herman獻吻，咁怕醜呀？

此外，即將成為「星夢娛樂」行政總裁的Herman透露無綫將開放平台，讓全港歌手競爭：「冇無綫歌星約嘅歌手都可以派台同上榜。」而樂易玲則強調無綫沒有黑名單。