安心亞玩轉「銷魂啜」

藝人為谷作品，通常會善用微博平台實行「洗腦式」宣傳，而剛剪了短髮的台灣宅男女神安心亞，平日亦最愛晒惹火身材谷人氣，但她早前推出新歌《呼呼》，為了谷歌奇招盡出，轉變策略唔玩「色誘」，不在微博上載上圍逼爆的相片，而是大晒「銷魂啜」自拍照。

相中心亞穿得密實，不見事業線，以為會令不少宅男失望，但仔細一看，原來她改Sell豐滿嘴唇，閉上雙眼一副欲獻上情深一吻的樣子，相信已經俘虜無數宅男粉絲，不少網民都留言讚好，看來大家都想即時撲埋去啜番啖！如今心亞宣傳搞到要獻吻，究竟是身材已經睇到厭，還是Dry到爆要搵人錫錫？真係天知、地知同安心亞自己知嘞！