無綫藝人陳豪（阿Mo）和羅蘭昨日出席「Blue Place（藍天地）香港旗艦店」開幕活動，與比堅尼索女翹手出場的阿Mo顯得略為僵硬，他坦言有點尷尬，因婚後甚少女性埋身，但否認太太陳茵媺（Aimee）不讓他接近女性，只是自己較傳統：「男女授受不親，我係有婦之夫，唔係咁好！（老婆可以同男士Close？）我欣賞Aimee係個好演員，就算有親熱鏡頭，我都會支持，但盡量少睇，費事個心唔舒服！」同為演員的阿Mo坦言如劇情需要都會拍親熱戲，但希望避得就避，問到會否再像電影《晚9朝5》中露股，他笑說：「唔好啦，依家要身教！」

就算比堅尼索女着住褸，陳豪都係雙手插袋勁避嫌！