陳豪教囝囝做Gentleman冧女

陳豪昨日出席婚戒品牌活動時說：「求婚好重要，將來會過兩招畀囝囝，要做個Gentleman，咩都要由個女仔出發。」記者追問陳豪向老婆陳茵媺（Aimee）的求婚過程，他說：「要問吓Aimee先。（乜都問准佢？）呢樣嘢太私隱。（有驚喜？）畀到Surprise好滿足，好多人有咗小朋友會忽略媽咪，但我唔想，我會令兩者得到平衡。」問到是否買了60萬元的冬蟲草給Aimee補身？他說：「做Study啫，唔識分邊啲好邊啲唔好。」另外，有指他已續簽無綫，他說：「當然考慮TVB優先，TVB對我好好。（自資開公司？）未有定案，我年紀唔細，要多啲時間諗清楚去向。」而Aimee早前與李詩韻及曹敏莉等慶祝老友戚黛黛生日，腹大便便的Aimee大騷事業線。