公關名媛周美鳳（Lelia）女兒Florence早前在美國紐約哥倫比亞大學畢業，Lelia特別飛到當地參加女兒的畢業禮，順道展開漫長的旅程，她說：「難得個女畢業，所以行完畢業禮就同咗個女去英國法國玩，我哋睇咗好多博物館，個女讀藝術，對呢啲最有興趣，我自己都鍾意，因為我覺得博物館裏面環境好靜好舒服，又可以睇到好多以前嘅歷史！」Lelia說跟女兒旅遊很少購物，大部分是吃喝玩樂，母女二人回港不久，又再到泰國遊玩，當然少不了游泳和按摩這些指定動作，此行她們還去了一間廟宇拜佛。

Lelia與女兒Florence結伴歐遊。

Lelia到泰國遊玩時到廟宇拜佛。

Lelia與女兒旅遊時大歎美食。

而早前她就與一班女友人到荷蘭參加好友司馬燕的婚禮，一行人瘋狂濕平，Lelia笑說：「用咗今年賺到嘅錢買晒嘢，都有六位數字。今年係我嘅旅遊季節，而且全部都係長Trip，紐約、英國、巴黎，荷蘭，我覺得人應該係要咁，平日畀心機做嘢，有時間有伴有錢就畀心機去玩，我依家決定每兩個月就會出門一次，遠近都得，當畀自己抖吓，人生好快過，趁有力氣應該多啲出去行吓，望吓呢個世界！」