荷里活電影《變形金剛4》來港取景卻遇上收陀地，藝人任達華和蔡卓妍（阿Sa）前晚出席福慧教育基金會活動時被問及此事，任達華稱製片方面可能出錯，相信只是溝通不足：「有咁嘅事即刻要報警，呢啲情況喺90年代已經冇晒，其實『陀地』係幫電影業，但今次事件就對電影業有影響！」而阿Sa亦遇過類似情況：「我都試過，有次同杜汶澤拍戲，但工作人員搞掂咗！其實係有個職員之前被炒，佢返嚟報仇，一開機佢就喺鏡頭前行嚟行去阻住拍嘢囉！」

華哥西裝骨骨出席慈善活動，幾時都咁型！

阿Sa透露試過拍戲時被騷擾，妨礙拍攝進度。

而同場的陳煒被追問與中年男士睇三級片？她說：「成日都睇，不過次次唔同人，本來四個人一齊，另外兩個遲到。（尷尬？）老公都識，唔使報告！」