「長腳蟹」呂慧儀昨日谷盡四吋事業線出戰「大閘蟹」活動，雖然聲稱是怕被靚蟹搶鏡，但慘令同場的朱璇被比下去，包到實一實的她毫無睇頭，只能尷尬苦笑﹗

自言怕被大閘蟹搶鏡的呂慧儀谷行事業線，驚艷全場！

大方騷Quali的呂慧儀吸引大批龍友狂影。

騷香肩索腿的朱璇慘被比下去，自嘲一身顏色襯番萬聖節。

呂慧儀和朱璇昨日一同出席商場活動，呂慧儀甫現身即令人嘩聲四起，全因一副「戰鬥格」的她谷起四吋事業線，兩旁又露出纖腰，相反朱璇只是稍露香肩美腿，當場被比下去！而兩人與觀眾齊齊下廚時，呂慧儀「識做」地不時「峰」騷俯身，令畫面更加噴血！

騷纖腰冧另一半

她受訪時笑言如此「搏命」是怕被大閘蟹搶鏡，而視覺效果甚佳全因最近收身，加上有好內衣幫手：「腰嗰啲位都瘦咗，但反而升咗半Cup！（點瘦身唔瘦胸？）一得閒就叫老公幫我Train，搞到佢依家都覺得我煩，好似24小時黐住佢，貼身膏藥咁！佢仲叫我搵多啲嘢做，超級衰！（上圍大咗老公咪好開心？）男人都鍾意腰幼，可能啦。」她笑言距離台慶尚有一個月，所以是時候稍作熱身。

而慘被搶鏡的朱璇笑言任務是當護「蟹」使者，大讚呂慧儀性感又靚女，不覺得需要比較，問到服裝是否大會安排？朱璇扁扁嘴說：「唔係呀！（事前冇夾過？）冇呀！唔緊要啦，最緊要啱自己，我知道秋天同萬聖節嚟緊，可以應節！」她又稱於後台有請教呂慧儀，如何令身材更突出。