身懷六甲的諸葛紫岐（Marie）昨晚穿上連身裙配平底鞋出席《法拉利及香港快意汽車合作三十周年》慶典晚宴，谷出強勁事業線，她亦坦言連升兩Cup！問到胎兒狀況，她透露產後會餵哺母乳，加上選擇開刀分娩，現時要食得清淡與戒口。問到BB性別？據知佗仔的Marie仍不肯親口承認，記者借故問腹中BB是否鍾意揸車？她醒目地說：「BB都鍾意揸車！（男仔車嚟喎？）女仔都鍾意，自己都鍾意。（佗BB出騷價高啲？）OK啦！我都唔係睇錢出騷！其實老公唔畀我做嘢，但喺屋企好悶。」

諸葛紫岐為BB健康着想，現已戒口準備餵母乳。

鍾嘉欣罕有性感示人，但不慎露「缽仔糕」，真失策！

同場還有陳展鵬的緋聞女友鍾嘉欣與貝安琪，兩人大方合照。身穿Tube Dress的鍾嘉欣露出「缽仔糕」邊搶鏡，又笑言與陳展鵬的緋聞只是劇集宣傳，但得知男方高調地表示對她有感覺後，她笑說：「係嘛……（暗戀你？）唔知！（你名花有主先唔敢出聲？）等我問吓佢先，其實都係宣傳劇集啫！（落閘請食檸檬？）唔係，等我問清楚先！」