譚詠麟（阿倫）和李克勤宣布演唱會加開四場，又身體力行落區向一班名副其實的「左鄰右里」謝票。「麟李」今次將大玩韓流怪「嚇」，化身「男版鄭多燕」，帶領全場大跳萬人健康舞！

預告在演唱會上大跳「鄭多燕」的阿倫（右）和克勤，舉吓啞鈴操定先！

克勤擺出大隻佬甫士做Gym，證明自己夠精壯！

阿倫突襲售票站，與大批粉絲自拍。

阿倫與克勤前日宣布將於12月6日至11日舉行六場《歐洲坊鐘錶與溥儀眼鏡聯合呈獻左麟右李十週年演唱會香港有聲音》，昨日再宣布加開12日至15日四場，共開十場，寓意十全十美！

率萬人郁身郁勢

而「麟李」亦相當識做，昨晨吃過早餐後即行孖咇到售票站向街坊謝票，被一班師奶圍實難逃「被集郵」，阿倫更舉機自拍，之後巡視票房時大笑說：「裝吓先，睇吓賣成點，剩番晒啲單人位，滿晒呀，哈哈！」得知成績不錯後，他急急將相片及短片上載到Facebook。

他們前日還賣關子稱在演唱會上有「驚嚇」演出，原來二人將會模仿韓國Hit爆的鄭多燕大跳健康舞，屆時還會帶領現場萬人起舞，阿倫笑說：「到時會有造型配合，暫時未知係點，但會有啲驚嚇度。」而克勤招積地說：「吃力一定有，但相信我哋都會跳得起！」

另外，「麟李」在電台受訪時透露將會互唱對方金曲，克勤不忘暗笑阿倫說：「我有機會唱《小風波》，我屋企冇咩風波，覺得好難唱。」阿倫即笑笑口還擊：「屋企有咩家庭事，一唱就會一帆風順。」