武打巨星洪金寶、蘇志威及區瑞強等昨日到東莞出席觀瀾湖高爾夫球會慈善活動，提到八個月大的孫仔TJ，洪金寶笑指TJ每次見到他都會哭：「成日見佢個樣好似諗緊嘢咁，見親我都喊，可能佢怕有鬚嘅人！」他希望新抱周家蔚生夠兩個，並直言恨抱孫女：「湊一個同湊兩個一樣啦！最好生兩個，但如果下個係仔就想佢生多個女，因為可以幫佢打扮，而且女貼心啲！」剛從新加坡回港的蘇志威則表示一向樂於做善事，對於近日已故歌手梅艷芳的遺物被拍賣，曾志偉直認買下梅姐獎座，以免流失在外，蘇志威表示毫不知情，卻指志偉非常有心：「梅姐有好多好友，加起來力量好大。（會唔會協助成立展覽館展出梅姐獎座？）應該由長輩級好似志偉、陳百祥決定同發起，但自己絕對支持！」

最近於上海拍新片的洪金寶表示未有打算開拍電影，強調拍戲最緊要享受。（林蔚恩東莞傳真）