無綫花旦胡杏兒昨日到尖沙咀出席關注乳癌活動，「谷胸」上陣的她透露除定期驗身外，平日會自我檢查及留意身體變化，慎防乳癌。問到可會接受全裸拍攝預防乳癌宣傳照，杏兒說：「嗰啲相都影得好靚，如果搵我拍會接受，係驚唔夠資格啫！」她自爆四、五年前曾因偏頭痛壓着神經線，致看東西時影像模糊，如同世界末日。

以低胸裝亮相的杏兒表示，為配合活動主題才作性感打扮，認真畀面！

曬得一身古銅膚色的杏兒剛到大溪地為內地雜誌拍攝相片，稍後將為無綫到法國拍旅遊特輯，她笑稱近期驛馬星動，但更希望紅鸞星動：「去法國會打扮得靚啲，睇吓有冇艷遇啦！」問到近期再傳她「翻撻」黃宗澤？她說：「冇呀，唔講喇，點講都死！」