為了拍攝新專輯封面而練得一身肌肉和人魚線的歌手張繼聰，昨日在商場舉行簽唱會，囝囝張瞻及張媽媽亦有捧場。但阿聰卻以密實打扮示人，他笑說：「近來翻風開始涼，都係着番衫好啲，而且出年年頭要拍《老表，你好嘢！》第二輯，到時我又會露肉，所以暫時收埋先。」此外，阿聰表示因在新劇《巨輪》中扮演黑社會，形象竟開始深入民心：「我送個仔返學時，佢啲同學見到我都走開，連學校保安都話睇唔出我咁惡，所以都係唔好再除衫，唔係個仔返學會畀人歧視。」

張繼聰為新專輯密密操肌，出席活動時更即席做掌上壓。