歌手狄易達、蔚雨芯（Rainky）前晚在結束多場舞台劇後，與一眾台前幕後的工作人員到銅鑼灣一間餐廳慶功。Rainky表示在演出時曾發生不少意外：「第一次踩台就整親膝頭，因為唔熟個環境！」而達仔則笑言第一場演出亦曾發生「意外」：「第一晚要同Rainky錫，佢啲唇膏色留咗喺我個嘴度！」

狄易達「埋怨」蔚雨芯在他的嘴上留下唇膏印，認真搞笑！

而在舞台劇中連咀Rainky和蝦頭的達仔，認真艷福無邊，問到緋聞女友劉沛蘅有否打翻醋埕，他說：「我係個好男仔，因為劇本先錫佢哋！」之後達仔又語無倫次地說：「我都驚呢樣嘢，拍《安樂蝸》開心嗰陣又會同女仔抱吓，我驚啲女仔怕咗我！」