譚詠麟（阿倫）與李克勤再度聯手舉行演唱會，麟李化身「A貨」特首候選人唱好香港，並推行「保肉政策」，將肌肉、人魚線通通變「臥底」，改為嚇人表演，為粉絲帶來「驚」喜！

譚詠麟（左）與李克勤將在演唱會推行「保肉政策」，以密實形象為粉絲帶來驚喜。

阿倫（左起）、歐洲坊鐘錶及溥儀眼鏡行政總裁邱子傑先生、夫人邱李茂琪及克勤齊齊切蛋糕。

阿倫（左）與克勤化身特首候選人，克勤更抵死地指着阿倫說「你呃人」！

阿倫與克勤昨日為12月6日起、一連六場在紅館舉行的歐洲坊鐘錶與溥儀眼鏡《左麟右李十週年演唱會香港有聲音》舉行記者會，由冠名贊助商歐洲坊鐘錶兼溥儀眼鏡行政總裁邱子傑先生及夫人邱李茂琪，即場送上蛋糕慶賀「麟李」成立十周年。

秘練驚嚇表演

大會將場地布置成特首選舉的辯論擂台，以西裝Look出場的麟李分別站在台的兩邊，以「官腔」妙語如珠，阿倫說：「聽日將有大事發生，就係我哋演唱會飛公開發售。」克勤說：「會唔會引起社會問題？例如要排隊交表格，大家唔好排錯隊！我哋會照周啟生所講，喺演唱會回饋社會！阿倫，你講過2009年嘅演唱會係最後一次，依家又開，你呃人！」阿倫亦抵死還擊：「唔怪得你當年喊晒咁啦！」對於早前克勤被《好報》踢爆豪裝新屋，阿倫笑說：「到時開騷派利是都得，因為你有新屋嘛。」克勤亦說：「係呀，紙牌屋（新歌名）。」他倆表示今次演唱會將會為港人發聲，發放正能量。提到歌迷最想看麟李再次爆肌，二人說：「呢啲一次就算，今次係『臥底』人魚線，鋼管舞、大隻佬呢啲就冇，取而代之嘅係另一樣嚇人演出，不過練成先講！」

此外，克勤大爆阿倫當年為隊名提出不少意見：「佢想改做『雙龍出海』，好彩最後畀『左麟右李』打低咗！」