「高分王」鄭俊弘與亞軍鄭世豪憑《星夢傳奇》成為炙手可熱的明日之星，但兩人依舊謙虛，全因飽歷風霜讓他們明白凡事只要盡力，不問回報，只希望一圓歌手夢。

爆坎坷身世
「人氣王」鄭俊弘攞獎一刻激動到眼濕濕兼舉起獎座，其後更真情流露錫啖媽咪。

茄喱啡「星」呢
霉足十多年的鄭世豪終於吐氣揚眉，難怪發表感言時講到咬牙切齒。

當宣布鄭世豪攞亞軍時，鄭俊弘（右）緊張到抖大氣。

雖然鄭世豪冇粉絲支持，但有老友陳敏之（左起）、森美及陳志健分享開心時刻。

明恩（中）有家人到場支持，場面溫馨。

鄭俊弘及鄭世豪自參加《星》後，從一個寂寂無聞的「茄喱啡」，變成全場觀眾為他們歡呼的歌手，原來二人風光背後，星途相當崎嶇。鄭俊弘出生自單親家庭，每逢提起從未養育過他的父親，他都輕輕帶過，甚至無意再與父親相認。於加拿大長大的他更曾受外籍孩童欺凌，故他6歲開始學功夫，希望保護自己，免得母親擔心。於《星夢》膺冠軍的他更獲60萬元獎金，他打算全數「孝順」母親。

提姜麗文甜笑

惟初來港發展天意弄人，鄭俊弘事業連番受挫，更因半年冇工開、零收入而與女友分手。事業、愛情兩失意的他曾想過放棄演藝圈：「我有質疑到底適唔適合做呢行，心情好低落，畀自己好大壓力。」最後他請假3星期返加國修讀演藝班，重燃鬥志，連態度、人生觀亦改變不少，亦造就不會恃寵生嬌的性格：「咁多年嚟我試過全心付出都係零回報，令我知道凡事要平常心面對，不求回報，最重要享受過程。」一直被傳與秦沛女兒姜麗文有戀情的他，於前晚的慶功宴上，談起「女友」亦不避嫌甜笑，指每個朋友也有通知，亦有收過很多恭賀電話。而視他如半邊仔的秦沛，在電話訪問中得悉喜訊都連番恭賀：「我有聽過佢同我仔女夾Band，祝福佢早啲有自己嘅唱片同個唱。」

最緊要有飯食

至於訓練班出生的鄭世豪，多年來只飾演過路人甲，更試過做替身的替身扮死屍，被錯手弄傷都硬啃！不過樂觀的他卻以「得意」形容這些經歷：「我知自己咩Quali，樣貌又唔討好，之前有人覺得我熟口熟面但講唔出名，我已經覺得係進步，從來冇諗過放棄，有工開就好開心，因為仲有飯盒食，又慳一餐﹗」今次榮膺《星夢》亞軍，是他入行以來首個獎項，他揚言最大心願是擁有屬於自己的唱片，並儲錢跟女友組織家庭。