歌手陳詩慧（Eva）最近忙於拍攝香港電視（HKTV）劇集，早前趁空檔與好友到泰國布吉「叉電」，更罕有地穿上三點式曬太陽，男仔頭的她笑說：「都冇嘢睇！（冇影全身相？）冇呀，我唔賣弄性感。」記者指她拍照時刻意遮掩「事業線」，Eva即順勢宣傳新歌：「冇心遮嘅，要睇就睇《藍蝴蝶》MV啦！入面嘅我都幾性感。」

陳詩慧夜遊布吉街頭，不忘Chok住影相！

Eva度假時穿上三點式曬太陽，卻刻意遮着事業線。

此外，她透露此行的主要目的是取靈感：「今次真係去抖同攞靈感，因為返嚟就要為劇集埋尾同寫歌，成個10月都忙同辛苦。」於旅程中邊享受陽光邊睇劇本的她表示早前努力狂操的腹肌已變回「水泡」：「每日都食、瞓、玩，成個肚腩凸咗出嚟，依家開始節食同操番啲腹肌。」