梅艷芳的遺物被公開拍賣，圈中藝人有贊成亦有反對，曾與阿梅合作的梁家輝和導演關錦鵬認為拍賣是秉承阿梅的行善精神，並無不妥。以前每年都出席阿梅生日派對的家輝說：「阿梅走之前已經好理性委託銀行幫佢處理遺物，供人競投作收藏都總好過放喺度發霉，依家拍賣後得番嚟嘅錢又可做善事，相反賣得嚟嘅錢只係畀佢家人唔係惠及大眾，反而唔係阿梅嘅原意！阿梅留畀我嘅係一份愛做善事嘅精神，好似今年佢生忌當日，我正喺北京做慈善活動，當時我斷肋骨仲未完全好番，又唔係有錢賺，但當我諗起係阿梅嘅生忌日子時，就特別覺得有意義。」而關錦鵬則慨嘆生不帶來，死不帶走：「今次拍賣嘅收益係畀基金做慈善，秉承咗阿梅嘅精神已經OK啦！因為阿梅生前已經送咗好多親筆簽名嘅黑膠碟畀我作紀念，所以我唔需要競投佢嘅遺物。」

梁家輝

關錦鵬

不過，樣貌被指與阿梅相似的陳煒，因多次扮演過阿梅而大有感觸，並心痛其遺物遭賤賣：「唔贊成梅姐嘅遺物用咁平嘅價錢拍賣，點解唔搵個地方將阿梅嘅遺物作展覽，收入場費咪可以有收入維持個基金囉！」至於譚耀文亦反對拍賣阿梅的遺物，他在微博留言：「反對拍賣！希望大家留給梅家粉絲！留給梅媽媽！留給世人好好存放起來讓人參觀！不能東一件西一件！拜託！你們不能選擇另一方式嗎？」