劉嘉玲前晚出席時尚活動時，被問到有指老公梁朝偉不開心而找好友吳廷燁訴苦，她即笑了笑說：「你哋諗吓係一件咩事？佢講咩你哋都聽到咁犀利？佢同吳廷燁成日都睇戲食飯。（佢冇事？）我唔知喎，你哋要問有關王菲同偉仔嘅嘢，應該問番佢兩個，我唔係佢哋嘅代言人。」又稱偉仔已從台灣禪修回來，偉仔跟她說是一件很舒服的事，令她十分羨慕，亦希望一定要試試。

劉嘉玲（左起）、鄭裕玲、城城和林憶蓮盛裝出席時尚活動。

嘉玲指今年應會陪偉仔出戰金馬獎頒獎禮：「《一代宗師》有好多提名，應該會大殺四方。我係王家衛同偉仔嘅Fans，如果我係評審就好喇！（影帝個獎會畀邊個？）梗係畀梁朝偉啦，本來梁家輝就攞硬嘅，我好鍾意佢喺《寒戰》嘅演出，但如果佢撞到Tony Leung朝偉，咁就冇辦法，佢唔好彩喇！」