歌手鍾舒漫（Sherman）屬圈中的跑步狂熱分子之一，每年例必出席各大馬拉松比賽。雖然平日工作忙碌，但她透露除非不在香港，否則收工後都會跑步：「每星期盡量跑三晚，每次跑6公里。」

雖然工作忙碌，但Sherman仍堅持外出跑步，培養良好運動習慣。

Sherman（右）曾相約師妹湯怡齊齊練跑。

Sherman坦言剛開始時很難維持這個習慣，尤其工作一整天後，回家想要好好休息，卻要外出跑步：「其實都係諗住為健康着想，保持住適當嘅運動量，病都少啲！」她透露每當生活或工作上遇到問題，又或情緒低落時都會跑步：「跑完出一身汗，真係會令人輕鬆好多，而且喺跑嘅過程中可以好好思考問題，所以每次跑完後都感覺到開心咗！」她又表示每次都會聽着音樂跑步：「聽住啲輕快同節奏強嘅歌去跑，感覺都跑得快啲！有時跑跑吓，仲會得到新作曲靈感！」