影帝張家輝昨日出席《香港亞洲電影節2013》記者會，他主演的寰宇電影《掃毒》成為開幕電影，現場還首播電影預告片。老闆林小明笑稱未有聽聞拍攝時的危險情況，家輝則笑說：「老闆你忙第二春吖嘛！」他又大談拍攝趣事：「有場戲要喺懸崖跳落水，拍完驚魂未定，古天樂攞支啤酒畀我，劉青雲就點咗支煙畀我，都唔係我當時最需要嘅嘢，佢哋好Cute好Support我，好Warm！」他笑言兩人煙酒可免，給錢最實際。問到三人豈不是爭崩頭提名金獎像男主角？家輝說：「睇電影公司提名邊個啦！邊個攞獎都開心，唔存在競爭，亦唔會讓，讓先唔尊重。」家輝今年作品有《同謀》、《激戰》及《掃毒》，有望媲美當年周潤發於金像獎男主角獲三項提名，他笑說：「大包圍啦！又冇去計算嘅。」麥浚龍執導的《殭屍》則獲提名「亞洲新導演獎」。

張家輝透露《掃毒》將成為羅馬電影節的閉幕電影。

自稱百毒不侵的林小明淡然看待陳志明抗議一事。

此外，電影人陳志明昨日以宏發電影製作有限公司名義，發起車輛由葵涌遊行至政府總部，要求特區政府徹查有人涉非法將電影版權售予內地視頻網站，六部客貨車及十多名示威人士於政總拉起「抗議林小明 交代一切」的橫額，叫了約十分鐘口號後散去。林小明昨日則回應：「心情冇受影響，覺得呢個人細路仔玩泥沙，要我交代啲咩？當年佢將啲戲交嚟出VCD，已經清楚交收，但佢仲不停嘈，我哋已先後報過兩次警，有咩不滿可以告上法庭。佢要遊行唔關我事，佢又話上我公司但冇可能，私人地方！」