熊黛林已「城」過去改電話

前日生日的熊黛林（Lynn）前晚出席置地廣場時尚盛事《boutique boulevard Naturally LANDMARK》活動，獲大會安排型男獻花，Lynn在與郭富城分手後的首個生日不愁寂寞，她表示連日來跟朋友慶祝。城城指跟緋聞女友葉熙祺是過去式，問到她可會變回現在式？Lynn說：「過去就畀佢過去！生日願望係事業好啲，想快啲咩咩咩（拍拖）。」問到可有獲城城祝福？她說：「唔講呢啲！（傳短訊畀你？）冇冇冇，唔想大家誤會。（佢咁絕？）唔係唔係，前排我轉咗電話號碼！（城城冇你新號碼？）好少人有。」Lynn活動後與友人到尖沙咀繼續慶祝，她表示共切了四個蛋糕。同場的貝安琪被問到是否與陳展鵬拍拖？她大讚對方為人和心地，但大家各有各忙，未是拖友身份。