黎瑞恩戒酒保靚聲

闊別樂壇多年的黎瑞恩（小恩子）下月將再踏舞台舉行個唱，她前晚出席酒會活動，問到個唱籌備進度時，她表示仍未開始綵排，笑言酒會期間可能被拉上台獻唱，當是唱K為個唱熱身。對於早前扁桃腺發炎，小恩子稱已痊愈：「都會小心，因為我喉嚨好易敏感，好易會腫。（怕唔怕影響演唱會演出？）唔會，因為唔會影響到聲帶，本來出席呢啲場合難免都會飲幾杯，但依家唔敢喇，辣嘢都唔敢食，好彩都係忍兩個月啫！」為保持驚喜，她不願透露誰是個唱嘉賓。