藝員滕麗名與麥長青(麥包)昨日為無綫賀歲劇《新抱喜相逢》拍一場跳海戲,劇情講述明星阿滕勇救富家子麥包後,麥包即向她求婚。皮膚敏感的阿滕一身黑色喱士誇張戲服,因而一度被喱士引起風瘌。

滕麗名一個飛身跳落海救人。

打扮誇張的滕麗名與麥包一場跳海戲,喜劇效果十足。

雖然識游水及潛水,但阿滕跳海救200磅的麥包時,一度被蠔殼勾住,非常驚險,不熟水性的麥包更飲了幾啖海水狂咳。問到拯救重磅麥包是否難度更高,阿滕笑說:「唔怕,脂肪多嘅人仲浮!我學過潛水,要學救人,雖然未學到嗰個階段,但佢唔掙扎就得。」麥包曾為拍劇學游水,但只能游幾步:「上次拍劇跳城門河,導演要安排蛙人喺水底協助我。其實之前瘦咗十幾磅,但監製又叫我增肥。」