莊思敏「前Deep露背開側門」性感襲首映,搶盡風頭,對於妹妹莊思明翻撻陳慧琳弟弟陳司翰,她似不太看好:「勸唔到咁多,祝福佢囉!」明顯「有骨落地」。

莊思敏性感凸圍,連詩雅則以誇張髮型搶鏡。

連詩雅

陳奐仁與穿露背裝的莊思敏大談重演「十四巴港女」事件。

白面沈震軒的確驚嚇,可提早慶祝萬聖節。

演員莊思敏、連詩雅、沈震軒及導演葉念琛等前晚出席新片《溝女不離3兄弟》首映,莊思敏大派冰淇淋,Deep V裙露波邊、晒玉背又騷長腿,搶盡風頭,她自言是入行以來最性感一次,還打趣指周身貼滿雙面膠紙防走光。

對於妹妹莊思明與陳司翰復合,她先追問記者妹妹的答法,得悉對方「不欲回應」時,才說:「咁我都唔答,最緊要佢開心。都冇得唔畀,勸又勸唔到咁多,祝福佢囉!」

當街摑追求者

提到日前與陳奐仁重演「十四巴港女」一幕,莊思敏自爆曾當街打人:「試過畀個追求者煩住,覺得唔摑佢唔醒。」又指重演個案並拍片放到互聯網,是緋聞男友葉念琛的意思。葉念琛接受電話訪問時說:「昨日(即前日)有逾四萬點擊率,如果反應再好啲,會拍續集。(怕唔怕畀人話抽水?)我改編咗,對白唔同晒。」

至於前晚以爆炸頭襯濃妝赴首映的連詩雅,自稱倣效天后麥當娜(Madonna),但自嘲冇本錢:「公司話我瘦到心口冇幾両肉,想托都托唔到,下令我增肥。」