大美人關之琳昨晚以型格打扮出席趙曾學韞舉辦的慈善晚宴，她表示與趙太相識多年，對方曾帶她探訪很多地方，又透露目前生活很好，惟沒有戲癮，問到若電影涉及慈善可會接拍？她說：「吓？唔會再拍，咁多年好多時被問到會唔會復出，應該唔會啦，已經冇咗衝動！」提到上月底生日，她透露與朋友到西藏遊玩：「嗰度好Amazing，去咗睇廟同探喺當地住嘅朋友，感覺成日頭痛，因為有高山症。（男友同行？）冇，今次全女班。（男友畀意外驚喜？）冇！」

悉心打扮的關之琳透露生日願望是身體健康。

此外，馬德鐘夫婦亦有出席，馬德鐘表示沒有留意今年視帝走勢，問到TVB今年玩公投會否覺得較公平？他笑說：「點都係公平嘅。（呢句可圈可點？）頒獎幾開心，邊個拎都好，個個都有付出努力。」並表示超級想鍾嘉欣封視后，屆時會叫她請客慶祝。