藝人周麗淇（Niki）早前承認與內地小生徐正曦蜜運中，昨日穿上鮮紅色連身裙出席首飾活動。席上，大會讓Niki親自挑選心儀龍鳳鈪，令她尷尬得用雙手掩面，難掩興奮心情！

蜜運中的周麗淇容光煥發，不時冧爆甜笑。

Niki獲Just Gold主席及行政總裁鄧鉅明送贈龍鳳鈪。

獲贈龍鳳鈪的周麗淇掩面狂笑，似乎大感尷尬。

徐正曦與Niki因合作拍劇而撻着，雖分隔兩地仍相當甜蜜。

周麗淇昨日穿上鮮紅色連身裙出席《Just Gold鎮金店秋冬系列發布會》，造型有如新娘。她早前承認與內地小生徐正曦拍拖，有愛情滋潤，經常甜笑。期間，大會送上龍鳳鈪給她，她即以雙手掩面，高呼尷尬！問到何時結婚？她甜絲絲地說：「邊有咁快，唔想嫁住。（男友想唔想快啲結婚？）冇諗過呢個問題，你畀啲空間我哋去相處先。（結婚先講？）呢個年代冇得呃啦！如果結婚，我都未諗到點處理，可能做晒先講畀大家聽。」

尊重男友私生活

提到兩人分隔兩地，Niki認為情侶不用時刻黐在一起，需各自有個人生活及工作。問到是否每天都用視頻解相思？她說：「太私人啦！唔想特別講。（成日見唔到，怕唔怕感情轉淡？）好難答，依家相處得OK。」問到拍拖後心情如何？她即笑稱既開心又輕鬆。問到名模姊姊周汶錡對其男友有何評價？她笑說：「問親佢都唔講。（見過面？）呢啲唔講。」