音樂人倫永亮（Anthony）跟「閨密」阿梅相知相惜20年，台上台下關係密切，他眼中的阿梅是義氣仔女：「在公在私，佢幫咗我好多。」Anthony的演唱會一定有阿梅做嘉賓，他亦成為阿梅的演唱會總監，阿梅更「非常刻意」地邀請合唱《心仍是冷》，令他一嘗得獎滋味：「其實我係寫畀阿梅做獨唱歌，佢知合唱咗會對我事業有好大幫忙，我亦憑呢首歌得到我唯一一首十大金曲獎。」

倫永亮難忘阿梅的「關照」，在公在私多番幫忙。

倫永亮、梅艷芳

他最欣賞阿梅會向陌生人奉上無私的愛，某年忘了大除夕還是聖誕節，阿梅於凌晨12時帶愛徒草蜢向露宿者送暖，Anthony說：「阿梅真係出錢出力，佢哋買咗200幾張棉被送畀天星碼頭嘅露宿者，仲親手幫佢哋冚埋，我估阿梅想做聖誕老人！」不過他事後聽阿梅說，因露宿者不認識她和草蜢，搞笑地趕走他們。