無綫花旦佘詩曼昨日穿上Tube Dress到銅鑼灣出席Rado瑞士雷達表活動,昨日正式重投娘家的阿佘在台上風騷生鬼,但因Tube Dress鬆身下滑露出右胸半個Nude Bra及防走光膠紙,她受訪時一臉驚訝地說:「Oh No!求吓你唔好出啦!唔好害咗我個打底王,幫我打啲星星、心心格仔落去啦!(首次失守?)條裙好重,呢排又瘦咗,呢排好忙,屋企裝修緊。」提到有指無綫台慶頒獎禮玩「公投」,但卻加插評判分數,她說:「我今年冇劇,唔關我事,下年先算,可能到時又改制,其實只要做得好就會贏,咁當然全民投票就最好啦!」提到林峯拍攝巡禮劇《使徒行者》未見她開工而感失望,她笑說:「佢成日扮唔開心o架啦!我又唔係BB,工作等公司安排,會內地、香港兩邊走。」

大露背上陣的阿佘與陳豪獲贈靚錶。

阿佘姣笑冧高層,其後獲另一高層錫手背。

阿佘Tube Dress下滑,不慎失守!

隨後阿佘換上另一條短裙與陳豪出席Rado旗艦店剪綵,獲高層送贈價值89,000元的名錶及在手背獻吻,陳豪則獲贈28,500元的名錶。陳豪受訪時稱兒子的名字還在構思中,提到當日得悉是仔仔的心情,他說:「知道係仔就想係女,父母心情就係咁,希望追多個女,慢慢嚟啦!」他又透露有客戶斟洽他與老婆陳茵媺夫妻檔出席活動。