李蕙敏大前晚在英國結婚，自言舉行了夢幻婚禮的她感激英籍老公Serge Micallef悉心安排，以及「閨密」黃偉文陪嫁，又笑言老公揸籮嚇她一跳！

李蕙敏跟Wyman在禮車上細訴當年情，感動得差點落淚！

印有Amanda與老公肖像的仿紙幣，別具紀念價值。

Amanda婚禮有得賭，包保沒有悶場。

「代父」Wyman陪嫁，是Amanda最佳的結婚禮物。

歌手李蕙敏（Amanda）的豪華婚禮於香港時間大前晚在倫敦前公爵豪宅舉行，婚禮由早到晚宴請逾百名來賓，現場還有魔術師和賭枱，且贈送印有Amanda及Serge肖像的「賭本」供賓客耍樂。Amanda昨日接受長途電話訪問時說：「娛樂節目同我坐嘅古董禮車都係老公安排，結婚時感覺好夢幻，老公嘅愛的宣言令我眼濕濕！」

提到Serge在婚禮上肉緊揸籮，她笑說：「佢知Wyman（黃偉文）影相咪同佢玩囉！佢好風趣！（老公成日對你咁熱情？）OK㗎！不過我都有即時阻止佢。」Amanda又透露深夜時還舉行派對狂歡，雖沒飲醉，但玩到很累。問到可有跟老公洞房？怕醜的她即「嘩嘩聲」：「總之盡興囉！」

自讚Keep得好

談及只邀請任伴娘的關寶慧及飾演「代父」的Wyman出席，她說：「Wyman嘅出現係我最好嘅結婚禮物。」又指與他坐在禮車時憶起往事，令她一度想哭：「我哋講番當年一齊出道，Wyman嚟我尖沙咀嘅舖頭探我，轉眼咁多年，好感動佢陪我出嫁，最開心係大家成熟咗，但個樣仲保持得咁好。」